سما الابداع
هلا بيكي انتي دخلتي الي عالم الابداع الدي سيعلمك الابداع
ولتستمتعي مع صداقة جديدة من بنوتااات كتيير
سجلي لتري كل هالابداع

سما الابداع


 
الرئيسيةالبوابةس .و .جالتسجيلدخول
ساتغيب الي بعد الامتحانات انتظرو مواضيعنا الحصرية نو القمر

شاطر | 
 

 رواية بنات دجه والعقل رجه

اذهب الى الأسفل 
كاتب الموضوعرسالة
عاشقة هيناموري امو
بنوتة جديدة
بنوتة جديدة
avatar

عدد المساهمات : 12
تاريخ التسجيل : 20/12/2010

مُساهمةموضوع: رواية بنات دجه والعقل رجه   الجمعة فبراير 04, 2011 3:12 am

السلام عليكم كيف الحال ان شاء الله ادخل بالموضوع على طول
اذا شفت تفاعل راح اكملها وان شاء الله تعجبكم
__________________________________________________ __________________________________________________ __________________________________________________ ______________________البارت الاول
اعرفكم بالشخصيات المهمه
الماسه:23سنه قصيره ومملوحه مررررره عاطله وطيبه مرره وموهبتها الرقص(تصلح رقاصه)لوووول وتاخذ من مواصفات نواره
نوف:22عاطله مليانه شوي وعيونها وساع ملامحها جذابه وتحب الافلام الهنديه الرومنسيه(تصلح شغاله هنديه)
ريماس:مليانه وخفيفة دم شفايفها صغنونه عيونها عذاااب عمرها20تحب فزااع مووت
حلا:مهبوله وبعض الحيان يتبرى منها عقلها وبعض الحيان ترجع لصوابها رهيبه عمرها19وكلها على بعضها تجنن فيها ملح موطبيعي عيونها تذوب مررره وعليها رومنسيه وحنان وعطف(ياحظ زوجها بس) لوووول.
نواره:عمرها18تجنن هالبنت ومتهوره بشكل مو طبيعي عربجيه حبتين عيونها عاديه وخشمها واقف وشفايفها عاديه وبيضاء لكن كلها على بعضها تجنن وفيها شي يجذب الناس لها اول ماتشوفها تحبهاعندها موهبه انها تقلد اصوات وتقلد رقص حتى لو انه اجنبي. تحب القصص(لاتعليق)لووو
ريم:عمره18 البنت هذي غاامضه ودايم ساكته واذا تكلمت تموت من الضحك
وخجوووله مووت ومملوحه فيها برائه الدنيا ياناس تجنن .
ملاحظهfprivate "type=pict;alt="(حلا ونواره خوات يصيرون لنوف وريماس وريم بنات خالهم ونوف تصير لريماس وريم بنت خالتهم والماسه تصيرعمة حلا ونواره وخاله لنوف وريماس وريم))
__________________________________________________
نبدا القصه
بسم الله الرحمن الرحيم
__________________________________________________
في بيت سعد ابو حلا ونواره
تحديدا في غرفة حلا ونواره
البنات مجتمعين عندهم الاالساعه2:30 الليل
ريماس:نوراه تكفين جيب شي ناكله مرره جوعانه
نواره:الي يسمعك يقول ماكلتي شي هذا المطبخ قدامك روحي اكلي
الماسه:بنات طفش
ريماس:نواره تروحين معي المطبخ بصراحه خايفه
نواره:يالليل الليل يالله امشي
راحت نواره وريماس المطبخ
عند البنات
الماسه:اقول بنات
نوف وريم وحلا:هلا
الماسه بضحك:بنات وش رايكم نلعب كوره
نوف كانت منسدحه على فراش نواره :لا والله بنات انا فيني النوم
الماسه:حلا امشي نشوف وش يسوون ريماس ونواره
حلا :يالله
في المطبخ
نواره:هههههههههههه ريماس اذبحيه
ريما تنطط وكاتمه صرختها:نوري تكفين اذبحيه يماااه
نواره طلعت شبشبها :الله اكبر
وذبحت الصرصور
ريماس تصفق لنواره:عاشت بنت خالي
نواره تغمز لها:اعجبك
ريماس:نواره فيه هوت دوق
نوراه :ايه موجود
.........:بوووووووووو
نواره وريماس نقزو من الخوف
نواره:يمال الموت اللي يمرض حيولكم
الماسه وحلا:ههههههههههههههههه
حلا :ههههه معليش بنات اختي في الحالات هذي مدري وش تقول لا تشرهون عليها ههههههههه
الماسه:لا خليها تاخذ راحتها ههههههههه
ريماس :هههههههههههههه حرام عليكم خوفتونا على بالي خالي سعد
نواره:وش تبون
الماسه :وش تسون
حلا راحت عند الثلاجه:بنات نسوي بيض بطني ياكلني
نواره:لا الا وش رايكم نسوي كبسه مع دجاج
الماسه:والله وجبتيها
ريماس مشغوله بالنقانق:بنات بلا كبسه بلا بيض هوت دوق احسن
الماسه طارت عند ريماس:الله فيه نقانق
ريماس نشبة بالهوت دوق لانه مثلج:لموسه فكيه معي مو راضي ينفك
نواره:بنات وش تبون تشربون معه
الماسه وريماس جلسوا يسوون الهوت دوق
الماسه:كولا
نواره :طيب من تروح معي نجيب الكولا
ريماس:روحي قولي لنوف تروح معك
نواره راحت لنوف (ملاحظه:الكولا في المستودع الي في الحوش لانه كرتون)في الغرفه
نواره:نوووف
نوف قاعده تقلب في الفراش:همم
نواره:تروحين معي نجيب كولا من المستودع
نوف وهي قايمه من الفراش:يالله وش وراي ماجاني نوم وتلتفت على ريم :ريم تروحين معنا
ريم كانت جالسه على الكمبيوتر تقرا قصه:لا روحوا انتوا
طلعت نواره ونوف من الغرفه
___________________
في المطبخ انواع الازعاج
الماسه:يادب قطعي البصل
ريماس وهي تضحك مع صراخ:ليه اقطعه >وهي تقلد بيدها طريقة الهوت دوق<امسكي النقانق وولعي هازيت وحطيه وتطلع خالصه وشو له البصل
الماسه:يالخبله انا عندي طريقه احسن
ريماس بوقفه مايله ومتركيه ع الطاوله:ارحمينا ياأديسون
حلا داخله عرض ويقالها ذكيه:خلا ص شباب هدوء الوضع انا من ناحيتي بقلي النقانق ليه الهواش؟
الماسه:ايوه كملت جات الدبشه الثانيه
ريماس:خلا ص بقطع البصل والله يعيني
_______________________
عند نواره ونوف وهم رايحين للحوش
نوف:البنات وش يسوون
نواره:يسوون نقانق
نوف:حسبتوا حسابي
نواره:ايه حسابك وحساب الي في البيت بعد
نوف:اشوا
نواره:يماااه نوف شوف الباب>>كان باب الشارع حق بيت سعد السياره الي تمر يشوفون نورها وكانت السياره تكبس بنورها على باب الشارع<<
نوف بخوف:نوري امشي نرجع ترا قلبي طاح بسروالي
نواره مو مهتمه:لا مو راجعين ناخذ الكولا بعدين نرجع
نوف بخوف:نواره لا تستهبلين ترا مو وقته
نواره:خلاص انتي ارجعي وانا بروح
نواره راحت للمستودع ونوف من الخوف رجعت
عند البنات خذوا السندوتشات للغرفه دخلت عليهم نوف
البنات :وين الكولا
نوف:راحت تجيبه نواره
وجلست تاكل معهم لكن الماسه ماكلت :بنات لحد ياكل نصيبي بروح لنواره>وقامت وطلعت رايحه عند نواره<
عند نواره
نواره تكلم نفسها:ياربيه وين راح الكولااتوقع انه.........
وقطع كلامها صوت باب الشارع
نواره ماتت من الخوف :يووه من الي يدق الباب
راحت للباب وهي ميته خوف:م م ميييين
من وراء الباب:افتحي الباب
نواره بخوف:ميين طيب
من وراء الباب :مالك دخل افتحي وانتي ساكته
نواره:لا والله وش على بالك بيتنا كل من هب ودب دخل
........:طيب افتحي
نواره بعناد:لا
........:يعني مانتي فاتحه
نواره:ايه والي عندك سوه
..........:اخر كلام
نواره:ايه اخر كلام ولا عندي اتصال بصديق ولااستعانه بالجمهور
........:ههههههههه والله وتعرفين تنكتين بعد
نواره:ايه اعرف يالله لو سمحت روح
...........:يعني تحديني
نواره بتحدي وهي من داخل خايفه:ايه اتحدى
...........بتهديد:طيب طيب
عند البنات
الماسه داخله عليهم وهي ميته خوف:بنات نواره
البنات:وش فيها
الماسه:تهزئ واحد عند الباب بنات انا خايفه
حلا:ماعليكم نواره تخوف بلد
ريماس:وهي تاكل:حلا يالخبله الحقي ع اختك
حلا مو هامها الموضوع:اقول روحي مني وراك
نوف:لموسه تروحين معي نشوف وش صار عندها
الماسه:يالله ياويلي على بنت اخوي
_________________________
عند نواره
نواره وكلها مويه:يالحقير يالي ماتستحي جعلك المرض المستعصي
........:ههههههههههههههههههههه
البنات يوم شافوها فقعوا من الضحك:ههههههههههههههههه
+
+
+
+
+
____________________________________
_______________
نواره وش اللي حصل لها؟؟
ليش البنات صاروا يضحكون عليها؟؟
من الي عند الباب؟؟


عند نواره
نواره وكلها مويه:يالحقير يالي ماتستحي جعلك المرض المستعصي

........:ههههههههههههههههههههه

البنات يوم شافوها فقعوا من الضحك:ههههههههههههههههه

الماسه:ههههههههه احسن تستاهلين

نوف:والله حرام ترويشه محترمه ماودك خالي راكان اجيب لك شامبو تكمل عليها

راكان:تستاهل الي جاها اقولها افتحي ومو راضيه تفتح(راكان عم حلا ونواره وخال ريماس ونوف يعني بالعربي

اخو الماسه اصغر واحد من اخوانها عمره 24 ملامحه سعودي اصل يعني السكسوكه النظره الحاده الهيبه كل

شي لكنه خفيف دم مو ثقييل نسخة ابوه )

نوف:طيب انت كيف دخلت من الي فتحلك الباب

راكان:سعد اخوي معطيبني مفتاح لبيته للاحتياط>وصار يناظر الماسه من فوق لتحت<ياسوسه(راكان يناديها كذا

عشان يقهرها)وش هالبس الفاصخ الي انتي لابسته ماتقولين لي_(كانت لابسه برمودا بيضاء ضييقه وبلوزه بنك

في صورة بنت)

الماسه:وانت وش عليك كيفي البس الي البس

راكان مسك شعرها بمزح:وش الي وش عليك مو انا اخوك

الماسه مسكت شعره:اخوي بس وش عليك من لبسي

ونوف قاعده معهم لكن بعالم ثاني


بتسالون وين نواره

نواره في الحمام (الله يكرمكم) تعبي الطش مويه وتغني <والله هالبنت خبله

نواره وهي تغني:ناويلك على نيه بس انت اصبر شويه>تقصد راكان والماسه

وهي تقول في خاطرها*والله انا غبيه ليه ماضرب عصفورين بحجر واحد <احلفي

راكان ولموسه مادام هم يتهاوشون والله اني ذكيه<مو تو تقولين غبيه

الماسه لانها داقه على نواره وقامت تهاوشها ونواره عصبت وقالت والله ان تندمين<<بحكم الميانه بينها وبين عمتها

عند البنات بالغرفه

داخلين الشات ويسولفون مع وحده <<والله ربي مبتلي البنت الي تكلمهم لانهم بيطلعون لها قرون

في الحوش >ترا ناسين الباب مفتوح

الماسه:راكان فك وافك

راكان:احلفي بس

نوف :والله انكم بزران احد يصدق ان هذي خالتي وهذا خالي :وانتبهت لنواره الي جايه من ورا راكان والماسه

وبعدت لانها عارفه وش ناويه نواره قربت من عمها وعمتها وكبت المويه عليهم كلهم الا نوف

نوف تسدحت من الضحك:هههههه تستاهلون وربي تستاهلون

نواره تسمع ضحك لكن طنشت

راكان من تحت المويه ومعصب :نوير يالي ماتستحين طول بعرض ولا زياده على كذا عمك وتكبين علي مويه
صدق حقيره

الماسه تستعبط:يووه مطر ونااااسه

راكان عصب اكثر:اقول لا يكثر بس تنكت هي ووجها

نواره انحاشت ورا نوف وتضحك بعد:عمي خلاص والله اخر مرره

راكان وكانه هدا شوي :الشرهه موب عليكم الشرهه علي الي جايب لكم عشاء اكراميه مني صدق ماتستاهلون

نوف نطت تحب راسه:جايب عشاء ولا علمتني والله يلوموني فيك ياركوني ورجعت تحب راسه لكنه دفها

راكان:اصغر بزرانك انا اسمي راكان

نوف:الي هو بس وين العشاء ترا والله حدي جايعه

راكان وكانه تذكر شي وصرخ:ياكلاب يالحقيرات ادخلوا داخل ولا والله بالعقال

البنات استغربوا

الماسه مستغربه تهدي اخوها :وشفيك انت سعد ومرته نايمين وش هالصراخ

راكان يتكلم بصوت واطي:خويي برا في السياره والباب مفتوح فهمتوا يالخبلات يالله ادخلوا قبل لا انفجر الحين

نواره طارت للباب وسكرته :وانت توك تتذكر مالت عليك

ودخلوا داخل الا نوف

راكان:وانتي وش موقفك هنا

نوف باحراج وتتميلح:وين العشاء ياحلا خال بالدنيا

راكان انقهر من برودها:اقول ماودك تضفين وجهك صدق انك فاضيه

نوف:افاا والعشاء وينه

راكان:الحين احد ياكل عشاء قولي سحور اقدر افهمها

نوف:خلاص ذليتنا بالعشاء ماعادابيه لا عت كبدي منه

راكان طلع لخويييه


نوراه والماسه:وش تسووون

حلا بحماس:فاتكم بنات تعرفنا على بنت والله يهي بكاشه

نواره:لييه وش قلتوا لها

ريماس:تقول انها بالاجازه بتسافر بالشمال القطبي

ريم تقاطعها:سالتنا وين بسافرون قلنا بنسافر لعطارد انتم عندكم برد مووت وحنا عندنا حرر مووت و عشان

نشوف الشمس زين>قلت لكم بيهبلون بالبنت_يووه الله يستر تكون وحده من الي تقرا تكون هي البنت كل شي

جايز_

نواره:طيب يمكن تستهبل

الماسه :ايه صح يمكن

ريماس: لا تقول انا اتكلم جد وانتم تستهبلون

دخلت نوف وهي زعلانه:بنات راكان ماعطاني العشاء

نواره:جعلك التخمه توك ماكله

نوف:انتي اسكتي محد كلمك

نواره :لولي فصلتي الاتصال ولا باقي متصل

حلا:اصلا طفيت الكمبيوتر بكبره

نواره والماسه شغلوا الكمبيوتر

نواره:وش تبين ندخل عليه

الماسه :اي شي ولا اقولك خلينا ندخل الشات

ريماس جابت كرسي وجلست مع نواره والماسه ونوف جلست على طاوله قريبه من الكمبيوتر

وريم واقفه وراهم وحلا عند التي في

ركب السياره :امانه ابو مشاري شفت احد

ابو مشاري كاتم ضحكته:لا ليه

راكان وكانه حمل وازاح عن صدره:اشووا

ابو مشاري:راكان بقولك شي بس ماتزعل

راكان رجع له الخوف:قول والله مازعل اصلا عارف انك شفت اختي وبنت اخوي وبنت اختي صح خلا ص مو لازم

تقول اصلا هم مفشليني بكل مكان لا تستغرب

فجاءه ابو مشاري انفجر ضحك

راكان عصب:وش يضحكك يمال تضحك بدون ضروس

ابو مشاري:هههههههههههههه

راكان وقف السياره على جنب:بتقول ولا اذبحك هنا

ابو مشاري:ههههههههههههههه

راكان ماسك ابو مشاري من ياقته: ترا ان ماسكت بذبحك فاهم

ابو مشاري يبي يقهره:ههههههههه من اي فلم اكشن متعلمها ههههههههه

وقفت عندهم دوريه :يالاخو وش موقفك هنا

راكان يبعد ابو مشاري:لا خلاص بنمشي الحين

الشرطي:انا شاك انك ارهابي ممكن تتفضل معنا

راكان بستغراب*حلوه شاك اني ارهابي*:لييه الله يحييك وش شايف معي مفجرات ولا وش

الشرطي:لانك كنت بتذبح خوييك

راكان:انت قلتها خويي ليه اذبحه قاعد امزح معه حتى في المزح قوانين

الشرطي:حاس انك قاعد تتطنز

راكان:لاا وش الي اتطنز البركه فيكم الله يخليكم لنا يارب

الشرطي :يالله حركوا بسرعه

راكان مشى وابتعدوا عن الدوريه

ابو مشاري: والله انك نكته هههههههههه راكان والله لا علم امك انك ارهابي

راكان:ساكت

ابو مشاري:ياكشخه ياثقيل والله ماتوقعتها منك تصير ارهابي مع ان فيك براءه مو وجه ارهابي لكن في هالزمن لا

تستغرب اي شي كل شي جايز اسمح لي راكان يالله نزلني انا ماروح مع ارهابيين

راكان :وقف على جنب

ابو مشاري :يالله مع السلامه وارجوا انك تتوب ترا والله الارهاب مو نافعك يقول الارهاب لا وطن لهم ولا دين لهم

ويقول بعد..

قاطعه راكان بهدوء: بتنزل ولا لا

ابو مشاري ضربه مع كتفه بمزح:ياعمي والله شكلك يلوع الكبد وانت متضايق

راكان نزل راسه ولاف يدينه على راسه

ابو مشاري صدق وقال يبي يخوفه قال بسرعه وهو يهزه:راكان راكان الدوريه جات قم

راكان نط وشغل السياره ومشى 200 ولا كلف نفسه يشوف ورا

وابو مشاري خاف شوي لان راكان مسرع راكان بهالحظه لف راسه وراء يحسب الشرطه وراه>>متاثر بالافلام

الكشن
وصدم في عامود كهرب وفقدوا الوعي راكان طار هو من عند الدريشه وطاح على الرصيف وابو مشاري بالسياره هو اكثر من راكان الضربه جات من جهته
جو الاسعاف خذوهم للمستشفى كانت حالة ابو مشاري حاله يرثى لها كله دم ولكن مو زي راكان اهون منه



عند البنات
نواره :بنات قلبي ناغزني حاسه شي صاير
ريماس:اقول لاتفاولين على اهلي بس
نواره سكتت لانها ماتبي تخرب عليهم
نواره:بنات وش تبغون النك
الماسه:حطي اهات بنات
ريماس:لا مو حلو حطي امم حطي معذب قلوب العذارى
نوف:لا نبي شي يجمعنا كلنا
نواره*اف ياربي والله اني خايفه*:وش رايكم نحط بنات زاحفات
وافقوا البنات على النك ودخلواالشات
بعد السلام ومدري ايش
بنات زاحفات:صبااااااحكم فوووول
واحد في الشات:صباحك عدس وقلابه

ريم ميته من الضحك سالناها :وش يضحكك
ريم ماتقدر تتكلم من الضحك:ماالت عليكم...صدق تفشلون
الماسه:وش فيييك
ريم:وش صباحه حنى في الليل كش على وجيكم والله انك محششه يانواره
نوراه كانت هي الي تكتب طاح وجهها
البنات ماتوا من الضحك عليها
نواره وهي تعدل
بنات زاحفات:قصدنا مساء الخير<<سلكوا عاد انتم
وحده:بنات كم عددكم
بنات زاحفات:من 40 ومافوق
واحد:يووه وش هالزحمه
واحد مصري:في مصريه
بنات زاحفات:في جميع الجنسيات طب واختار
دخل واحد(مجبور اعيش بفراقك):من يروح يفطر معي
بنات زاحفات:حنا عادي نروح نفطر معك
مجبور:حياك تعالي
بنات زاحفات:ترا احنا كثيييييييييير
مجبور :حياكم كلكم
بنات زاحفات:بس ترا بنكلف عليك لان احناا كثييييييير
مجبور :عادي فداكم فلوسي
بنات زاحفات:يعني عادي خلك قد كلمتك
مجبور:ليه موب رجال انا اقولكم قد كلمتي وقدود>وحط صورة واحد معصب
بنات زاحفات :طيب لا تعصب الله يخليك ترا حنا رقيقات
مجبور:اموووت انا في الرقيقات
بنات زاحفات:<<لا تصدق
دخل عليهم مجبور بالخاص:تبون فطور تعالو ابالخاص

نواره: ادخل بالخاص ولا لا انا بصراحه مابي
ريماس:خلينا ندخل والله ماكون ريماس اذا ماكرهته بالشات
الماسه :ايه نبي نهبل فيه شوي
نواره قبلت ودخلت الخاص
مجبور:هلا والله
بنات زاحفات:اهليين
مجبور:كيفك
بنات زاحفات:احلف توك سالنا عن حالنا
مجبور:هههههه طيب لا تعصبين وش اسمك؟؟
بنات:اي وحده فيهم تسال
مجبور:كلكم
بنات:يوووه بنجلس لبكره ماخلصت انت وش اسمك؟؟؟
مجبور:فيصل
بنات:عاشت الاسامي
فيصل:عاشت ايامك

المهم تعرفوا عليه الينات لكن ماقالوا عن انفسهم شي كان اذا سالهم انتم من وين يقولون من الارض
واذا لزم قالوا من بيوتنا يعني طفروا به عطاهم رقمه ووين يشتغل وايميله عمره 25
لين قلب الموضوع هوشه لانهم قالوا له يالشايب المنتف وهو انقهر وطلع
والبنات متسدحات ضحك عليه وذلتهم ريماس: شفتوا ماقلت لكم بكرهه بالشات

طفوا الكمبيوتر وراحا عند حلا كان توه بادي فيلم هندي لهرتك روشان
ونوف بغت تجيها الجلطه وجلسوا يتابعون و هم في نص الفيلم اذن الفجرو قاموا صلوا ورجعوا للفلم يكملونه الا نواره والماسه
نواره جالسه في الزاويه وتفكر طبعا لان الماسه تعرف نواره زين وتعرف افكارها
الماسه بصوت واطي:نونو وش تفكرين فيه
نواره*نواره خافت لانها ماتبيها تحس انها خايفه من شي وان ناغزها قلبها صرفت الموضوع* بصوت واطي:بقولك بس امانه انك ماتعلمين احد بيني وبينك
الماسه:والله ماقول لحد
شوي الا مخده صاكتهم هم الثنتين من نوف:انتم ماتعرفون تسكتون
نواره :حشى مركبه رادرات
نوف ماسمعتها لانها رجعت تابع
الماسه بصوت واطي:يلا قولي
نواره بصوت واطي:بجيب قطوتي
الماسه:طيب وشلون تجيبينها مو هي عند الجيران
نواره:ايه عنده.......
قطع كلامها ريموت التي في على جبهتها من نوفوه
نواره معصبه:جعل يدك الكسر وعيونك العمى قولي امين
نوف:اطلعوا برا بتسولفون اطلعوا برا
الماسه:امشي نونو نطلع
طلعوا نواره والماسه من الغرفه((ملاحظه اذا نواره والماسه اجتمعوا على الدنيا السلام))
نواره : ننط عندهم من السور وناخذها اسبوع وهي عندهم
الماسه :خلاص اوكي بس موب الحين
نواره:ايه اكيد اذا قام ابوي لشغله نروح
الماسه:طيب ابوك متى يروح
نواره:يمكن كذا الساعه7
الماسه :ايه زي..
قطع كلامهم سعد اللي توه جاي من المسجد:السلام عليكم
نواره والماسه:وعليكم السلام
نواره راحت حبت راس ابوها
سعد:بارك الله فيك يابنتي امك رجعت تنام ولا قايمه
نواره :لا اتوقع رجعت تنام
سعد:طيب انتم اكيد سهرانين صح
نواره تصرف الموضوع :لا تونا قايمين عشان الصلاه
سعد بشك:والله ماظنيته
نواره :يالله تبي شي انا بروح انام
الماسه راحت عند البنات عشان يسوون انفسهم نايمين
سعد:لا يابوك روحي الله يوفقك وتوه بيروح
نواره:يبه
سعد التفت عليها:سمي تبين شي وانا ابوك شي مضيق خلقك
نواره باحراج:يبه ممكن تدق على جدتي ولا جدي
سعد:ليه يبه وش تبين فيهم على الفجر
نواره:لا بس قلقانه عليهم
سعد*يعني انتي حاسه باللي انا احس به والله يابنتي ماحد طلع علي غيرك*
نواره:يبه وين رحت
سعد انتبه لها:لا معك يابنتي عارف ان قلبك ناغزك وتبين تتطمنين على جدك وجد.......
قطع كلامه جواله اللي يرن هنا نواره تقطعت من الخوف وبدت تنزل دموعها
سعد شافها ولف يدينه على كتوفها
سعد يرد على الجوال:نعم
..........:السلام عليكم معي اخ راكان فهد--------ي
سعد:ايه نعم لييه صاير شي
..........:معك مستشفى ------- اخوك مسوي حادث مع صاحبه ممكن تجي الحين
سعد بخوف لكن مايبي يبين لبنته:ايه خلاص انا جاي الحين
وسكر
نواره بخوف ودموعها تطيح:يبه من اللي يكلمك في ذا الوقت اصلا انا حاسه ان شي صاير والله ان قلبي ناغزني تكفى يبه قولي الله يخليك
سعد انكسر خاطره على بنته وصار يمسح دموعها:لا يابنتي ماصار شي هذا واحد عندي في الشركه يبغاني اجي بسرعه مدري وش صاير بس يابنتي ماعاد ابي اشوف الدموع ابغى بنتي القويه اللي في هالمواقف تكون قويه تواسي اللي حولها ابغى توكنين مثلي انا صح احزن لكن مافي شي يرجع اللي قد مضى عارفه ان ماعندي ولد كبير افهمه لكن انتي حسستيني اني مربي بنت عن عشر رجال اتوكل عليها من بعد الله على اخوانها وخواتها+وصار يناظر ساعته+ يالله يابنتي تاخرت على الشركه لا وصيك يابنتي وباس جبهتها وراح

نواره حست ان ابوه مفتخر فيها واستانست *الله وناسه ابوي مربي وحده عن عشر رجال من بكره بطق الثوب والغتره ومانسى الشاص*>>اللهم لا اعتراض ابوها جالس ساعه يفهمها وهي تقول بطق الثوب والغتره ولا بعد شاص خخخ

رجعت نواره للبنات لقت كل وحده على فراشها:يالخاينات رقدتوا
فجاءه نقزت كل وحده من فراشها ولا كانهم سمعوه
نوف تكلم نفسها :ياربيه الفلم ماشفت نهايته قهرر
ريماس بقهر:ايه والله قهر
حلا :بنات انا قد شفته بايخ ماله داعي
ريم:ماظن فلم لهرتك روشان بايخ والله انا عمري ماشفت ابيخ من بعض الناس
حلا:من تقصدين
ريم:اللي على راسه بطحا
الماسه تكمل:يحسسها
ريم والماسه:ههههههههه
نواره كانت واقفه*زين تطنشوني طيب ان ماخليت كل وحده فيكم تحفر فراشها من الخوف ماكون نواره* فتحت الباب بهدوء وصارت تطل والبنات كانوا متابعينها
فجاءه نواره دخلت بسرعه وسكرت الباب وراها
اللتفت ورا لقت كل وحد منسدحه بفراشها على بالهم ان سعد جاء ولا بعد مغطين ووجيهم بالفراش
نواره:ههههههههههههههه
ريماس تطل مع اللحاف:جاء خالي سعد ولا لا؟؟
حلا قامت:عارفه ان اختي نصابه
الماسه غمزت لنواره نواره فهمت وراحوا غرفة الملابس
وخذوا ملابسهم وطلعوا عشان البنات مايشكون
نواره راحت تلبس(تيشيرت اسود عليه كلمات بالانقلش<مو للبنات للاولاد<وبنطلون ابيض فيه خط اسود على الجنب وضييق شوي ومطلع جسمها خيال ورافعه شعرها بطريقه مهمله ولا بسه ربطه على الشعر بيضاء منقشه باسود وربطه على اليد >مال العرابجه<وساعه رجاليه سبورت سوداء وجزمه سبورت)
الماسه(بلوزه صفراء اكمامها طويله لكن مشمرتها وبنطلون جنز ونفس الحكايه مطلع جسمها روعه>طبعا الماسه ونواره احلى اجسام بالشله حتى البنات يغارون منهم< ورابطه شعرها ذيل حصان وجزمه سيورت وطالع شكلها كيوووت)
نواره:هاه لموسه خلصتي
الماسه تربط خيط جزمتها:يب
نواره:انا بكتب للبنات ورقه عشان اذا اتخرنا يجونا
الماسه :علقيها على الباب

وراحوا وراء البيت ونطت نواره على بيت جيرانهم لكن الماسه وصلت اعلى السور:نواره خايفه وشلون نطيتي
نواره نطت على حديقة بيت الجيران كانت مررره حلوه ولا اهتمت لالماسه وكان باب الكراج قدامها
فجاءه انفتح ودخلت سياره انفنتي سوداء الماسه من الخوف طاحت على الارض
ونواره مبلمه >يعني متنحه


الرجوع الى أعلى الصفحة اذهب الى الأسفل
عاشقة هيناموري امو
بنوتة جديدة
بنوتة جديدة
avatar

عدد المساهمات : 12
تاريخ التسجيل : 20/12/2010

مُساهمةموضوع: رد: رواية بنات دجه والعقل رجه   الجمعة فبراير 04, 2011 4:50 am

__________________________________________البارت الثالث____________________________________________ __________________________________________________ ______________

فجاءه انفتح ودخلت سياره انفنتي سوداء الماسه من الخوف طاحت على الارض


ونواره مبلمه >يعني متنحه

نزل من السياره شاب يطيح الطير من السماء من جماله

لكن مانتبه لهم لانهم في مكان مظلم واتوقع رجله كانت مكسوره لان ماخذ عكاز وحده

نواره اول ماشافت اللي نزل انبطحت عشان ماينتبهلها اما الماسه كانت تان من الوجع لانها طاحت على يدها

الشاب كان يعرج وهو يمشي فجاءه تعكرف و طاح وقام يتالم بصوت عالي:اااااه ااااه سلطاااان سلطان

نواره خافت عليه لان شكله يكسر الخاطر وقامت تبي تروح له وكانت تمشي ببطء

الماسه اول مارفعت راسها شافت نواره رايحه له بغت تجيها السكته القلبييه

ومسكت نواره من بنطلونها وبصوت مايسمعه الا نواره:يالخبله وين بتروحين انتي بتجيبين لنا مصيبه

نواره بشفقه على الشاب وصوت واطي:لموسه حرام شوفي شكله يكسر الخاطر انا بروح وانتي كيفك

الماسه حست فيها وفيه لكن حست بتهورهم بتجيب مصيبه:وقفت مع نواره:خلاص طيب بس مانقرب منه مره <وكانت يدها مره تألمها

راحوا عنده وقفت نواره قدامه والماسه على الجنب

هو تفاجئ >بنات جايين ببيتهم وماعليهم عبايات ماتجي هذه حتى ظن انهم ملاك<ويالله يتكلم من التعب:من انتم وش تبون فيني

نواره عيونها كلها دموع ومتردده:حنى جايين نساعدك

هو ماتحمل دموعها وصار وجهه اصفر وشفايفه بيض

"والماسه قامت تصيح"هذي على الريحه تصيح"على يدها وعلى الشاب

نواره بجرأه قربت منه:تبي شي تبي اساعدك بشي

الماسه(جعلك المغص الحاد والجلطه المزمنه ان كانك لعوزتيني)

الشاب بتعب :ابي مويه

نواره لا شعوريا ركضت لداخل البيت>تمون العمه

صدمت في واحد مايقل جماله عن الشاب اللي برا>اكييد سلطان لانه كان مسرع واللي نادا عليه الشاب الاعرج




__________________________________________________ __________________________________________________ ____________________________________

عند الماسه

*ياربي انا وش اسوي الحين وش هالمشكله اللي حطيتيني فيها يانواره اهئ اهئ*

الشاب ماقدر يتحمل واغمى عليه

هنا الماسه صدق ماعرفت وش تسوي جلست عنده تعنزله "يعني تحاول تقومه " ويدها مووت تالمها:يووه وصارت تنادي:نوااااره نواااااااره




__________________________________________________ __________________________________________________ ____________________________________
عند نواره
سلطان بصدمه:بسم الله الرحمن الرحيم انتي من وين طلعتي

نواره :ليه حضرتك قدامك جني "وكانها تذكرت شي بسرعه:اخوي وين المطبخ بسرعه عندنا حاله طارئه

سلطان كان متفاجئ من جمالها ونعومتها وشعرها وجسمها والاكثر جراتها:لا احلفي بس اتوقع بيتنا مو عياده>يتطنز

نواره تعدت حدودها بصوت عالي:يأخي انت فدغ انت ثور اقولك عندنا حاله طا...........طرااااااااااااااخ

قطع كلامها كف محترم منه لكنه قوووي

نواره انصدمت من جراته يعطيها كف حتى ابوها ماعطاها يجي الغريب يعطيها كف

لكن ماجتها فرصه تكلمه لانها سمعت صراخ الماسه

سلطان راح ركض برا

اما نواره كانت تقاوم دموعها صارت تمشي وتفتح كل باب تدور المطبخ

البيت كان مرره فخم وحلو ومبين على ان اللي نسق الاثاث ذوقه عالي

واخيرا نواره لقت المطبخ جابت كاس لقته على الطاوله ولقت البراده وصبت في الكاس مويه وراحت ركض برا

وهي تحاول ان ماتنزل دمعتها على واحد مايسوى ظفرها >الحيين حست بقيمة كلام ابوها




__________________________________________________ __________________________________________________ ____________________________________


عند البنات في الغرفه

حلا ونوف وريم:ههههههههههههه

حلا :ريماس تحفه شكلك

ريماس تناظر لبسها وتستهبل:شوفي ياحبيبتي هذي البلوزه جايبتها من مصر وهذا الجاكيت من الجزائر والجزمه من

الاردن والشراب من فلسطين المحتله والشباصات من العراق والشال من الكويت والكاب من البحرين والحلق من

الامارات والسلسال من عمان والخلخال من اليمن والساعه من قطر والباروكه من السودان والخاتم من المغرب

والاساور من الهند والتنوره من الافغانستان

نوف:ههه جامعة الدول العربيه

ريم بضحك:لا باقي السعوديه

ريماس:انا من السعوديه

حلا :شكل اثر عليك اختبار الجغرافيا

نوف:بنات ماتحسون ان البنات اختفوا مره وحده

حلا :يابنت الحلال تلقينهم مسوين لنا مفاجئه

نوف:ماتوقع

ريم:بنات انا بروح اشرب مويه اجيب لكم

حلا:ياليت

ثواني وريم جايتهم وهي متحمسه

ريم :بنات ابشركم لقيت ورقه على الباب

نوف:قلت لكم وراهم مصيبه

حلا ببرود الدنيا:كذابه ماقلتي

نوف:يعني انا حاسه ان وراهم مصيبه

حلا:ايه رقعي رقعي

ريماس تقرا اللي في الورقه:

(معليش بنات سامحونا انا ولموسه اذا اتاخرنا تلقونا عند بيت الجيران اذا اتاخرنا مررره اعرفوا ان احد صادنا

وانقذونا بلييييز))

((نونو & لموسه))

نوف:بنات ترا هم تاخروا مره

ريماس:طيب لازم نجيبهم

حلا :وش رايكم بنات نلبس ثيابنا اللي فصلناها الرجاليه ونطق عليهم الباب وناخذ البنات ونرجع

ريماس:فكره حلوه بس وش يدرينا انهم انمسكوا

ريم:خلاص انا بطل من المكان اللي نطو فيه واشوف احد مسكهم ولا لا؟؟

نوف:اييه كويس وانتي حلا وريماس تروحون عند هم وانا وريم عند الباب عشان نفتح لكم اذا جيتوا وخذوا معكم عباياتهم عشان تغطونهم

ريماس:حلوا يالله نبدا

بداوا البنات خطتهم وفعلا لقوا الماسه عند الشاب لكن بعيييده عن السور ونواره ماشافوها يعني اكشفوهم الجيران

لبست ريماس وحلا الثياب ولبسوا الشماغات وظبطوهم البنات وراحو عند بيت الجيران لازم ياخذون لفه عشان

الجيران وراهم



__________________________________________________ _________________
__________________________________________________ __________________





برا عند الماسه

وهي تنادي:نواااااره نوااااااااااااره ودموعها شلال وكانت حاطه راس الشاب بحضنها وتهزه بيد وحده لان يدها

اليسرى تعورها تحسبه بيقوم

جاها سلطان مسرع وما تفاجئ بالماسه لكن شكلها يختلف عن نواره لانها مررره كيوووت ونواره عربجيه

جلس عند اخوه ويهزه:سلمااان سلماان حبيبي قوم سلماان

التفت على الماسه اللي مفهيه وماتدري وش تسوي بسرعه وخوف:اختي عندك عطر

الماسه بخوف اكثر منه:وتهز راسها بمعنى :لا

اللتفتوا على نواره اللي جايه تركض وباين عليها مهتمه

سلطان قام وراح عندها واخذ المويه منهاوناظرعيونها كانت نظرتها نظرت تحدي لكن مهما كان في عيونها دموع

ماقدرت تخفيها

سلطان عوره قلبه عليها :مشكوره

وراح عند اخوه وصار يرش المويه عليه

سلمان بدا يفوق وبدا يفتح عيونه بهمس :سلطان

لكن اللي سمعه الماسه

الماسه بخوف ودموعها تنزل :تبي شي سلمان>تموووووون

سلمان حن عليها وقام عن حظنها

والماسه في قمت الاحراج

نواره بجمود:الحمد الله على السلامه سلمان ماتشوف شر ان شاء الله<<ترا نست ان ماعليها غطاء وعبايه

سلمان رفع راسه وتفاجئ من شكلها ماتوقعها حلوه كذا وكان يناظرها بتفحص

وبتعب:الشر مايجيك الله يسلمك بس انتم وجابكم هنا؟؟؟؟؟؟؟

سلطان راح دخل البيت

الماسه باحراج:نونو يالله نطلع

التفت على الماسه وانبهر من نعومتها سالها وكان يبي يحرجها بتعب:انتي بشر ولا ملاك؟؟؟؟؟؟؟؟؟؟؟؟؟وغمز لها

هنا الماسه ذابت من الاحراج

نواره بضحكه:اقول شكل الطيحه اثرت عليك

سلمان:ههههه انا ماقلت الا الحق

نواره:طيب عطنا وجه ولا شفت لموسه نسيتنا

سلمان وهو يناظر الماسه:احد يشوف هالزين ويتذكرك

الماسه قب وجهها من الاحراج

فجاءه

جلال غطى نواره

نواره على طول اللتفت

صار وجهها قريب من وجه سلطان اللي كان وراهاوعلى طول ابتعدت عنه وتغير وجهها وطلع الوان وخنقتها العبره

يوم الكف

بعدت عنها الجلال ورمته بالارض

سلطان كانت نظرته بارده لنواره وهذا اللي قهر نواره

الماسه حست ان بينهم شي ولان بعد يدها تالمها :نونو تبينا نمشي

نواره بجمود وعينها مغرقه دمووع ومنزله راسها :يالله

رفعت راسها تطالع سلمان:يالله سلمان العذر والسموحه منك ماكنا نقصد شي كنا نبي قطوتنا

وضحكت ضحكه هاديه دق بها قلب سلطان :يالله لموس مشينا

سلمان قام وهو يتعنز على العكاز الين وقف:نونو

نواره اللتفتت عليه:سم

سلمان :سم الله عدوك حبيت اقولك ان القطوه شفت شباب يلحقونها لين مسكوها واتوقع انهم باعوها

نواره بابتسامه هاديه:يالله حلال عليهم

سلطان وهو متكتف:تبون اجيب لكم القهوه والشاي يكون احسن>يتهزئ

شكلكم مطولين

نواره طنشت سلطان:يالله حبيبيتي لموس نمشي

الماسه باحراج لسلمان:سلوم ممكن تجيب شي نصعد عليه بس الين اعلى السور واحنا نتصرف

سلمان:ابشري ياعيون سلوم بس لا تعيدونها هالمره طحتوا علينا المره الثانيه الله يستر ترا مو كل مره تسلم الجره

نواره:ليه وش على بالك كل يوم ناطين على بيت لا ابشرك هذه اول مره واخر مره بعد

سلطان:اتمنى

نواره التفتت على سلطان وحطت عينها بعينه:وش قصدك

سلطان ارتبك من نظرتها*انعن ام العيون اللي كذا مع انها عاديه بس فيها سحر غير طبيعي*:قصدي تكونين بنت

تستحي ولا في بنت الحين تنط على بيت جيرانهم بصراحه مابعد سمعتها؟؟؟؟

سلمان حس الجو متوتر :سلطان وش فيك ياخوك عسى ماشر هذا بدال ماتساعدهم تهاوشهم ترا هذا جنس ناعم مو

كذا تكلمهم الله يهديك

سلطان:هذا جنس ناعم كثر منها بس


فجاءه دق باب الشارع

راح سلطان يشوف من؟

سلمان:خلاص بنات امسحوها بوجهي سلطان ترا مو من عوايده يهزئ بنات لكن يمكن غيره يعني او يمكن الظروف اللي مر فيها

نواره *ايه صح مو من عوايده يهاوش لكن عوايده يضرب بنات خلق الله بس ماعاش ولده امه يضرب نواره الايام

بتعلمك من نواره*


عند الباب

سلطان مستغرب من الثنين اللي جايين على الصبح:نعم اخوي بغيت شي

حلا وهي مخشنه صوتها:اخوي الله يخليك بنتنا عندكم ممكن تجيبونها

سلطان عرف انهم بنات وحب يستعبط عليهم:معليش اخوي ماعندنا لكم بنت

ريماس بعد مخشنه صوتها:وشلون مو عندكم وهي توها ناطه عليكم

حلا غمزت لريماس بضربه على بطنها من الكوع<احح

ريماس:اااه

سلطان*شكل العايله كلها بايعينها*:لا محد جانا اسفين

حلا:طيب تاكد وانا اخوك يمكن عندكم

سلطان:اقولك محد جاء عندنا بعدين حنى حاطين حراسه كلاب بوليسيه اذا احد نط علينا تنهش عظامه وتصير عندهم وجبه غذائيه متكامله

ريماس:انا حاسه انك صحي بقوووه يوووه لموسه تخاف من الكلاب يالله انك تعينا عليها

وجتها ضرب ثانيه من حلا

ريماس وهي ماسكه بطنها:ااااه

سلطان:ليش ياخوي تضربها مو حرام عليك عورت بطنها

حلا:لاماعورتها تعرف شباب هاليومين جنس ثالث ورابع ومدري ايش يعني هو تاثر من اخوياه ولا ماكان كذا

صح ياصعفق؟؟

ريماس:ايوا صح>>الاخت صعيديه

حلا:نرجع لمحور حديثنا

سلطان انفجر من الضحك على اسلوبهم حس انهم بنات فلله:هو بعد في محور

حلا:اقول لاتهرب من النص

سلطان:حشى حصة ادب

ريماس:لا حصة قلة ادب ها هاي

سلطان:والله تعرفين تنكتين

ريماس ترفع يدينها لسماء:الحمدالله هذا من فضل رب العالمين<وتضرب حلا بكوعها على كتف حلا: ادع معي

حلا رفعت يدينها :الحمدالله يارب على نعمة العقل

سلطان رفع يده :الحمد الله

جاهم سلمان وسلطان دخل عند نواره والماسه

سلمان:وش فيكم تدعون

حلا :اسمع يارجال بناتنا وينهم

سلمان:ليه وش تصير لهم

حلا :اصير جد عمت خال خال ابوهم

سلمان:ينعن ام المشاوير

حلا :طيب هم وينهم بخير مافي كسور مافي رضوض مافي قرصات

سلمان:حشى طالعين من حادث مروع

ريماس:اشك انك تشتغل في الطوارئ واخوك في المركز الصحي
هاهااي



__________________________________________________ __________________________________________________ ____________________________________
عند نواره والماسه

سلطان:هلا بنات خواتكم مدري اخوانكم جو ياخذونكم"ولا حط عينه بعين نواره

الماسه طارت من الفرحه وطارت عند الباب

نواره كانت واقفه ماتحركت من مكانها

سلطان استغرب حركتها ومشى

لكن نواره كانت اسرع منه ومسكت يده وعينها في الارض

ارتبك اول شي وحس باحساس غريب يدغدغ قلبه لكن تجاهله

سلطان التفت عليها وكسرت خاطره:تبين مني شي اتوقع انتي غلطتي وانا غلطت

نواره رفعت راسها بشموخ وبثقه :اسمع ياولد ابوك ماعاش من يضرب نواره وراح تندم على حركتك اللي حتى

ابوي

ماسواها تدري ليش لان ابوي رجال وبيظل طول عمره رجال ختى لو نسف دمي والرجال اللي مايمد يده على حرمه

يكون رخمه اللي يمد يده على حرمه ماقدر يستقوي على اللي قده قام يستقوي على اللي اضعف منه لكن حاسب

اصابعك مو سوا وفكت يده ومشت عند الباب

سلطان كان احد معطيه كف واقف منصدم كان يتمنى انها تعطيه كف ولا تقول هالكلام

>خلوها ببالكم ان التفاهم عمره مايجي بالهواش والضرب بلعكس يجي بالتفاهم والنقاش<

جلس على الارض مو متخيل ان اول صدفه بتجي بالطريقه هذي هو الحين حبها لكن لازم يقتل الحب اللي توه بالمهد

عشان مايعيش حياته كلها عذاب نزلت دمعه متحجره بعيونه

لاول وحده قابلها بحياته وسرقت قلبه بهالطريقه بدون اذن منه

>الحب مايعرف لا صغير ولا كبير حتى صار يجي باوقات غلط خخ<







__________________________________________________ __________________________________________________ ____________________________________
عند الباب

سلمان:ههههههههههه والله انكم نكته وشوله واقفين برا ادخلوا

دخلت حلا وريماس اللي عجبتهم الجلسه

شوي جاتهم الماسه وضمتهم

وسلمان يناظرها بحب*ليتني بدالهم*

حلا تناظر الماسه من فوق لتحت:صدق وجهك مغسول بمرق شوفي الرجال وشلون يناظرك

الماسه التفتت على سلمان وهي مستحيه

سلمان ابتسم لها وغمز لها

ريماس انتبهت لهم:هييه عيب

سلمان والماسه:ههههه

انتبهوا لنواره اللي جايه

نواره بتعب:اهلين بنات يالله مشينا

حلا طلعت العبايات لنواره والماسه

نواره:وشو ذا

حلا :عبايات وش بعد

نواره :لا انا ماني بلابستها

ريماس:اقول سلمان على صياح البنات وصياحكم ماقامت امك؟؟

هالسوال اللي سالته ريماس ببرائه مادرت انها زادت المواجع على سلمان وقلبت حاله على طول

سلمان يحاول يخفي عبرته ومنزل راسه:لا ..امي ..امي....

ريماس:وش فيها امك>لقاافه

سلمان يحاول يبتسم الين ابتسم ابتسامة حزن والدموع بعيونه:لا امي..امي ماتت بحادث هي وابوي قبل عشر ايام

ونزل الخبر على البنات زي الصاعقه وشهقوا الا نواره لانها قد مرت بالمواقف والماسه ام دميعه على طول بكت

نواره قربت من سلمان:احسن الله عزاك والبقاء بعمرك وانا اختك وهذا كاس وكلنا شاربين منه

سلمان يرفع راسه :لا انا الحمدالله صابر لكن سلطان اللي من عرف بوفاة الوالد والوالده جلس اربع ايام بالمستشفى

لانه دلوعهم وهو ماله غنا عنهم هذه الصعبه

"نواره هنا انصدمت كيف جرحت سلطان اكيد ماعطاها كف الا عشان اعصابه متوتره "

:لا ان شاء الله ماهي صعبه على رب العالمين ومصير الايام تنسيه بس انت زوده بقوتك وصبرك

سلمان اعجب بشخصية هالبنت القويه وماهزها شي بس اكيد من داخل هي تتالم

سلمان يحاول يلطف الجو :يالله عاد قلبتوها فلم هندي وانتي لموسه بس عاد لا تحديني اجي اضمك الحين

الماسه استحت مسحت دموعها لكن تنزل :عظم الله اجرك

سلمان بابتسامه:اجرنا واجرك ياقلبي

الماسه حمر وجهها واستحت

سلمان*فديت اللي يستحون انا ااه ياقلبي عليها*

اما حلا كان شكلها<اللهم لا شماته

كانت عيونها مفتحه لاخر شي ويدها على فمها وتناظر سلمان بصدمه

وريماس تلوح بيدها على وجه حلا:ياااهوووه يااااعرب انتي هنا ياخواااان اللي هنا شكل البنت اثرت عليها الصدمه

فغادر عقلها وجاتها السكته القلبيه مع تجليط المخيخ

سلمان والماسه:ماتوا من الظحك على طريقة ريماس

اما نواره بعالم ثاني*ياربي وشلون الحين اراضيه اول ماكنت ادري بس الحين افف والله حاله شكلي بروح له واللي

يصير يصير*







__________________________________________________ __________________________________________________ ____________________________________


نبعد عن اجواء البيت ونروح للمستشفى

عند ابو مشاري وراكان

سعد بخوف وقلق:هاه يادكتور بشرني عنهم

الدكتور:اسمع اخييك الي اسموه راكان هيدا جاتوه رضوض باليد وكسر بالراس وكسر بالرجل وان شاء الله شهر

واسبوعين تلات بالكتير يخرج

اما التاني خالد(ابو مشاري)هيدا يبغالوا منكم الدعاء والله يستر لانو بالعنايه المركزه بغيبوبه احتمال تستقر حالتو

ويعدي مرحلة الخطر بعد 48 ساعه واحتمال يكون يومه

ابو خالد بخوف اكثر من سعد:طيب يعني وش صار له ولدي بيموت علمني يادكتور....

راح الدكتور عنهم

سعد:هد اعصابك وانا اخوك وان شاء الله بتكون حالته على مايرام بس الله يشفيه ان شاء الله

ابو خالد جلس على الكرسي بتعب:ابو عبدالله (سعد)هذا ضناي شوف انا وش صار لي وشلون عاد حرمته اللي ماكملت

الاربعين وضناه اللي ماله الا 15 يوم وش يسوي اذ كبر ومالقى ابوه جنبه الله يصلح الامور ياربي الله يكتب اللي فيه

الخير

سعد:وش هالكلام الله يهديك ادع ربك انه يشفيه وربك ماينسى عباده وانا اخوك وان شاء ربك بيقومه بالسلامه

هوواخوانه المسلمين قول اميين

ابوخالد بتعب:امييين امييين
×
×
×
×
×
×
×
×
__________________________________________________ __________________
-----------------------------------------------------------
ونواره هل راح تعتذر او لا؟

سلطان بيقبل اعتذارها؟

راكان وش راح يسوي اذا عرف ان صاحبه الروح بالروح بالحاله هذي؟؟

ام مشاري هي وولدها وش بيصير لهم ذا عرفوا بحالة ابو مشاري؟

البنات كيف بيطلعون من بيت جيرانهم؟؟

وسلمان وسلطان وحبهم المتفاجئ هل هو حب ام اعجاب؟؟

_____________ابغى الردود عشان اكمل اذا شفت اقل من خمسة ردود ماراح اكملها<طماعه___________

((وابغى اعرف اي الشخصيات الي عجبتكم بقصتي؟؟؟)
الرجوع الى أعلى الصفحة اذهب الى الأسفل
draela

avatar

عدد المساهمات : 2
تاريخ التسجيل : 03/03/2011
الموقع : لا يوجد

مُساهمةموضوع: رد: رواية بنات دجه والعقل رجه   الخميس مارس 03, 2011 7:40 am

مشكووووووووووووووووووووووورة علي القصة الرووعة حببتي نتظر ابداعك القادم
الرجوع الى أعلى الصفحة اذهب الى الأسفل
 
رواية بنات دجه والعقل رجه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
سما الابداع :: الترفيه و الفرفشة :: القصص والروايات-
انتقل الى: